ବିହାର ବିଧାନସଭା ନିର୍ବାଚନ ପାଇଁ ସରିଲା NDAର ଆସନ ଭାଗବଣ୍ଟା । ବିଜେପି ଏବଂ JDU ପ୍ରତ୍ୟେକ ୧୦୧ ଆସନରେ ଲଢ଼ିବେ, ଯେତେବେଳେ ଚିରାଗ ପାସୱାନଙ୍କ ଦଳକୁ ୨୯ ଆସନ ଦିଆଯାଇଛି। ଜିତନ ରାମ ମାଞ୍ଝି ଏବଂ ଉପେନ୍ଦ୍ର କୁଶୱାହା ପ୍ରତ୍ୟେକଙ୍କୁ ୬ଟି ଲେଖାଏ ଆସନ ମିଳିବ।
ଏନେଇ ବିଜେପି ବିହାର ପ୍ରଭାରୀ ବିନୋଦ ତାୱଡେ କହିଛନ୍ତି ଯେ, ଆଗାମୀ ବିହାର ବିଧାନସଭା ନିର୍ବାଚନ ପାଇଁ, NDA ପରିବାରର ସମସ୍ତ ସଦସ୍ୟ ଏକ ସୌହାର୍ଦ୍ଦ୍ୟପୂର୍ଣ୍ଣ ପରିବେଶ ଏବଂ ପାରସ୍ପରିକ ସହମତିରେ ଆସନ ବଣ୍ଟନ ସମାପ୍ତ କରିଛନ୍ତି। ନିମ୍ନଲିଖିତ ତାଲିକାକୁ ମଧ୍ୟ ସେ ସୂଚିତ କରିଛନ୍ତି ।
ବିଜେପି – ୧୦୧ ଆସନ
ଜେଡିୟୁ – ୧୦୧ ଆସନ
ଏଲଜେପି (ରାମ ବିଳାସ) – ୨୯ ଆସନ
ଆରଏଲଏମଓ – ୦୬ ଆସନ
ହମ୍ – ୦୬ ଆସନ
ଏବେ ଆସନ୍ତୁ ଜାଣିବା ସିଟ୍ ବଣ୍ଟନ ବିଷୟରେ ଜେଡିୟୁ କ’ଣ କହିଛି ?
ଜେଡିୟୁର ଜାତୀୟ କାର୍ଯ୍ୟକାରୀ ସଭାପତି ସଞ୍ଜୟ କୁମାର ଝା ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି ଯେ, ଆମେ, ଏନଡିଏ ସହଯୋଗୀ ମାନେ, ଏକ ସୌହାର୍ଦ୍ଦପୂର୍ଣ୍ଣ ପରିବେଶରେ ଆସନ ବଣ୍ଟନ ସମାପ୍ତ କରିଛୁ। ସମସ୍ତ ଏନଡିଏ ଦଳର ନେତା ଏବଂ କର୍ମୀମାନେ ଉତ୍ସାହର ସହିତ ଆସନ ବଣ୍ଟନ ଫର୍ମୁଲାକୁ ସ୍ୱାଗତ କରୁଛନ୍ତି ଏବଂ ଏକତ୍ରିତ ହୋଇ ନୀତିଶ କୁମାରଙ୍କୁ ପ୍ରଚଣ୍ଡ ବହୁମତ ସହିତ ମୁଖ୍ୟମନ୍ତ୍ରୀ ଭାବରେ ପୁନଃ ନିର୍ବାଚିତ କରିବାକୁ ସ୍ଥିର କରିଛନ୍ତି। ବିହାର ପ୍ରସ୍ତୁତ, ପୁଣି ଏନଡିଏ ସରକାର ହେବାକୁ ଯାଉଛି ।
ବିନୋଦ ତାୱଡେ ଆହୁରି କହିଛନ୍ତି ଯେ ସମସ୍ତ ଏନଡିଏ ଦଳର ନେତା ଏବଂ କର୍ମୀମାନେ ଉତ୍ସାହର ସହିତ ଏହି ନିଷ୍ପତ୍ତିକୁ ସ୍ୱାଗତ କରିଛନ୍ତି। ସମସ୍ତ ସହଯୋଗୀ ଦଳ ବିହାରରେ ଏନଡିଏ ସରକାର ପୁନଃସ୍ଥାପିତ କରିବାକୁ ପ୍ରସ୍ତୁତ ଏବଂ ସଂକଳ୍ପବଦ୍ଧ।
