ଶେହନାଜ ଗିଲ୍ଙ୍କ ଅପ୍କମିଙ୍ଗ ପଞ୍ଜାବୀ କମେଡି ଡ୍ରାମା ‘ଇକ୍ କୁଡ଼ି’ର ଟ୍ରେଲର୍ ରିଲିଜ୍ ହୋଇଛି । ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅମରଜିତ ସିଂହ ସରୋଁ । ଫିଲ୍ମର କାହାଣୀ ବ୍ୟବସ୍ଥିତ ବିବାହ ଉପରେ ପର୍ଯ୍ୟବସିତ । ୨ ମିନିଟ୍ ୪୮ ସେକେଣ୍ଡ୍ର ଏହି ଟ୍ରେଲର୍ ଦୁଇଟି ପିଢ଼ିର କାହାଣୀ ସହିତ ଆରମ୍ଭ ହୋଇଛି । ସିମ୍ମି ଭୂମିକାରେ ଅଭିନୟ କରିଛନ୍ତି ଶେହନାଜ । ବ୍ୟବସ୍ଥିତ ବିବାହ ଜରିଆରେ ସେ ନିଜର ଜୀବନସାଥୀ ଖୋଜୁଛନ୍ତି । ଚାହୁଁଥିବା ସବୁ ଗୁଣସମ୍ପନ୍ନ ଜଣେ ମଣିଷ ଖୋଜୁ ଖୋଜୁ ସେ ସମାଜର ନିୟମକୁ ଉଲ୍ଲଂଘନ କରିଛନ୍ତି । ଏହା ପରେ କାହାଣୀ ମଜାଦାର ମୋଡ଼ ନେଇଛି । ବର୍ତ୍ତମାନ ସମାଜରେ ଯାହା ଘଟୁଛି, ଫିଲ୍ମରେ ତାହା ପ୍ରଦର୍ଶିତ ହୋଇଛି ।
ମହିଳାମାନେ ବର୍ତ୍ତମାନ ଯତ୍ନ ନେଉଥିବା, ସାହସୀ ଓ ପ୍ରେମ କରୁଥିବା ସାଥୀ ଖୋଜୁଛନ୍ତି । ଯିଏ ଘର କାମରେ ସାହାଯ୍ୟ କରିବା ସହିତ ପରିବାରକୁ ମଧ୍ୟ ଦେଖୁଥିବ । ଫିଲ୍ମରେ ଭରପୂର ମଜାମସ୍ତି, ଆବେଗ, ରୋମାଞ୍ଚ ରହିଛି, ଯାହାକୁ ପରିବାର ସହିତ ଥିଏଟରରେ ଦେଖିବାକୁ ଦର୍ଶକ ପସନ୍ଦ କରିବେ ବୋଲି ଶେହନାଜ ଆଶା କରୁଛନ୍ତି । ଆସନ୍ତା ୩୧ ତାରିଖରେ ଫିଲ୍ମଟି ବିଶ୍ୱସ୍ତରରେ ମୁକ୍ତିଲାଭ କରିବ ।
